الرصيد الحقيقي
إزاي تعرف فلوسك الحقيقية في المعرض؟
الرصيد الحقيقي هو فلوس الخزنة ناقص كل اللي المعرض مديون بيه لغيره: فلوس أصحاب عربيات الأمانة، حصص الشركاء، عرابين الزباين، عمولات البياعين، والمصاريف اللي اتطلبت ولسه ماتدفعتش. أوتوسينك بيحسبه لوحده ويوريهولك أول ما تفتح البرنامج.
مثال: الخزنة فيها مليون و240 ألف
- الخزنة1,240,000 ج.م
- فلوس أمانة (عربيات زباين)−320,000 ج.م
- حصص الشركاء−180,000 ج.م
- عرابين لسه متحسمتش−127,500 ج.م
يعني من 1,240,000 ج.م في الخزنة، 612,500 بس فلوسك فعلاً. الباقي حق ناس تانية.
الرصيد الحقيقي بيتحسب إزاي؟
- 1
كل حركة فلوس بتتسجل
البيع والتحصيل والمصاريف والسحب، كل حركة بتتسجل في الخزنة بتاريخها وطريقة دفعها: كاش، أو بنك، أو إنستاباي، أو محفظة، أو شيك.
- 2
كل اللي عليك بيتجمع لوحده
لما عربية أمانة تتباع، أو شريك يستحق نصيبه، أو زبون يدفع عربون، أو بياع يستحق عمولة، أو حد يطلب صرف، المبلغ بيتسجل التزام عليك أوتوماتيك.
- 3
الرصيد الحقيقي = الخزنة ناقص اللي عليك
وبيظهر في أول شاشة لصاحب المعرض والمحاسب. البياع والمدير مش بيشوفوا شاشة الفلوس.
إيه اللي بيتغير في يومك؟
من غير أوتوسينك
- بتعد الخزنة وفاكر إن كل اللي فيها مكسب.
- بتسحب فلوس وبعدين تكتشف إنها كانت عربون زبون أو حق صاحب أمانة.
- آخر الشهر بتقعد مع المحاسب تفرز مين ليه إيه.
مع أوتوسينك
- رقم واحد يقولك فلوسك الحرة كام في أي وقت.
- كل التزام ظاهر باسمه: أمانة، شريك، عربون، عمولة، مصروف مستني.
- قرارات السحب والشراء مبنية على فلوسك إنت، مش على فلوس الناس.
أسئلة عن الميزة دي
أسئلة عن الرصيد الحقيقي
إيه الفرق بين الخزنة والرصيد الحقيقي؟
الخزنة هي كل الفلوس اللي معاك. الرصيد الحقيقي هو اللي بيفضل منها بعد ما تشيل حق الناس: الأمانات وحصص الشركاء والعرابين والعمولات والمصاريف اللي اتطلبت.
مين يقدر يشوف الرصيد الحقيقي؟
صاحب المعرض والمحاسب بس. المدير والبياع مش بيشوفوا شاشة الفلوس.
هل لازم أحسب الالتزامات بإيدي؟
لأ. بتسجل حركة الفلوس العادية زي البيع والتحصيل والمصروف، والبرنامج بيطلع منها الالتزامات والرصيد الحقيقي لوحده.
لو الرصيد الحقيقي طلع بالسالب يبقى إيه؟
يبقى اللي عليك للناس أكتر من اللي في الخزنة، وده معناه إنك بتصرف من فلوس غيرك. أوتوسينك بيوريهولك بدل ما تكتشفه متأخر.
الرصيد الحقيقي
شوفها على أرقام معرضك إنت
احجز عرض تجريبي على واتساب، ونوريك الميزة دي على شغل معرضك. من غير أي التزام.
لمعارض العربيات المستعملة في مصر