الأمانة صح
فلوس العربية الأمانة بتاعة مين؟
لما عربية أمانة تتباع، فلوسها حق صاحبها مش مكسبك. أوتوسينك بيسجل المبلغ ده دين على المعرض لحد ما يتدفع، وبيحسب مكسبك من العربية على حسب الاتفاق: مبلغ ثابت، أو نسبة من سعر البيع، أو اللي فوق سعر متفق عليه.
مثال: عربية أمانة صاحبها عايز فيها 400 ألف
- سعر البيع450,000 ج.م
- حق صاحب العربية−400,000 ج.م
الـ 400,000 ج.م بتتسجل دين على المعرض من لحظة البيع، فمش هتظهر في الرصيد الحقيقي على إنها فلوسك.
الأمانة بتتسجل إزاي؟
- 1
العربية وصاحبها
بتسجل العربية كأمانة، باسم صاحبها ورقم موبايله، وبالاتفاق اللي بينكم.
- 2
نوع الاتفاق
مبلغ ثابت للمعرض، أو نسبة من سعر البيع، أو المعرض ياخد اللي فوق سعر متفق عليه مع صاحب العربية.
- 3
البيع والدفع لصاحبها
لما العربية تتباع، حق صاحبها بيتسجل دين عليك، ودفعه بيستنى موافقتك زي أي صرف.
- 4
كشف الحساب
بتبعت لصاحب العربية كشف حسابه على واتساب من البرنامج.
إيه اللي بيتغير في يومك؟
من غير أوتوسينك
- فلوس الأمانة بتختلط بالخزنة وبتتصرف على إنها مكسب.
- صاحب العربية يتصل يسأل، وإنت تدوّر في الكشكول.
- كل اتفاق بيتحسب بطريقة شكل.
مع أوتوسينك
- حق صاحب العربية متسجل دين عليك لحد ما يتدفع.
- كشف حساب جاهز تبعته على واتساب.
- الاتفاق بيتسجل مرة واحدة، والحساب بيطلع لوحده.
أسئلة عن الميزة دي
أسئلة عن الأمانة
إيه أنواع اتفاقات الأمانة اللي البرنامج بيدعمها؟
ثلاث أنواع: مبلغ ثابت للمعرض، أو نسبة من سعر البيع، أو المعرض ياخد اللي فوق سعر متفق عليه مع صاحب العربية.
لو عربية الأمانة مااتباعتش؟
بترجّعها لصاحبها من البرنامج، والعربية بتتقفل من غير ما تأثر على حساباتك.
صاحب العربية يقدر يشوف حسابه؟
بتبعتله كشف حسابه على واتساب من البرنامج. هو نفسه مش بيدخل على البرنامج.
فلوس الأمانة بتأثر على الرصيد الحقيقي؟
أيوه. حق صاحب العربية بيتشال من الرصيد الحقيقي من لحظة البيع لحد ما يتدفع، عشان ماتصرفهوش على إنه مكسب.
الأمانة صح
شوفها على أرقام معرضك إنت
احجز عرض تجريبي على واتساب، ونوريك الميزة دي على شغل معرضك. من غير أي التزام.
لمعارض العربيات المستعملة في مصر